الأرشيف

ليه يا وطن ( في رثاء الشيخ عصام دربالة )

ليه يا وطن ( في رثاء الشيخ عصام دربالة )

بقلم شاعر الأمة العربية

ابو-محمد-سلطان

سلطان ابراهيم عبد الرحيم

عصام-دربالة

ليه يا وطن

اللي يحبك سكتو أخرتها موت

واللي يشيل همك هنا لازم يموت

واللي عايزلك الهنا تهديه تابوت

طب ما احنا لازم يا وطن يبقالنا صوت

دي قلوبنا حره يا وطن كارهه السكوت

حالفه لترجع ضحكتك كل البيوت

حالفه ما تبقى في سكتك آهة شجن

ليه يا وطن

هو عصام ده يا وطن مش كان ضناك

مش قام يصونك يا وطن م اللي دهاك

مش قال بحبك يا وطن روحي فداك

مش راح اسيبك يا وطن وهكون معاك

وهجيب جماعتي يا وطن ونصون حماك

مقصدنا دايما يا وطن نرفع بناك

لجل ما يحلىي يا وطن فيك السكن

ليه يا وطن

علشان عصام حبك وحب يمد أيد

شالك في قلبو يا وطن جوه الوريد

علشان عصام مرضيش يكون اهلك عبيد

يبقى جزاتو يتسجن ويعيش بعيد

ويعيش يعاني في محنتو مرضو الشديد

من غير غذا ومن غير دوا ويموت وحيد

ومن السجون يطلع شهيد من غير كفن

ليه يا وطن

فين اللي كانوا بيهتفوا يحيا الوطن

فين اللي غنوا للكرامه ووصدعونا من زمن

ولا اللي حبك يا وطن مالهوش تمن

واللي يخونك يبقى هو المؤتمن

مليون عتاب من قلب مليان بالشجن

يبكي عصام اللي اتقتل فيك واندفن

ليه ياو طن .. ليه يا وطن

اترك تعليقاً

لن يتم نشر عنوان بريدك الإلكتروني.

مقالات ذات صلة

زر الذهاب إلى الأعلى