الأرشيف

عيد سعيد ومافيش جديد

الكاتب المهندس

عبدالسلام جابر

عبد السلام جابرإبراهيم 

يقدم إبداعات محمد باكوس

[youtube url=”https://www.youtube.com/watch?v=313LlvfcpM8″] [/youtube]

عيد سعيد ومافيش جديد

ابويا قال لنا يا ولاد القوه ضعف من غير اتحاد

و الكفر تلتينه عناد و مات

و اندبحنا و فضلنا زى ماحنا بنتقتل بسلاحنا و ما فيش جديد

ابوك بيدفن اخوك فى غزه

و شايف جارك حاسس بلذه

بس انت ما اتهزيتش هزه

و بتفكر ازاى تحتفل بالعيد و ما فيش جديد

حتسمعنى وتدينى وداناك وتقول لى الله عليك وتسلم ايديك و صح لسانك

و تفضل قاعد مكانك مشلول ما عندكش حلول زى الصنم الحديد ومافيش جديد

واضح كمان و من زمان انى باعيد وبازيد بكل انواع البريد

فى كلام سخيف ومش مفيد

واضح اننا كلنا مجانين و حابين او متعودين نصنع الاسياد ونترمى تحت رجليهم عبيد وما فيش جديد

حتى نخبتنا وحكامنا و امامنا اللى بيصللى قدامنا كلهم مستنيين السمنه

وراضعين ذل ومهانه حالفين يطلعوا عنينا وعاملين نفسهم معانا وهما علينا

فالحين فى الشجب و الادانه والتنديد ومافيش جديد

بكره الشهيد ادام الحكم العدل بحرمة دمه ها يقابلكم

بكره التاريخ هيوصف كل ندل ويلعن سلسفينكم

بكره يا بتوع المعايره هتدور عليكم الدايره فاشتموا و ارقصوا وهزوا ديلكم

ربنا يصلح حال سبيلكم

ارفض الذل وقاومه انت لوحدك جيش

جعان عريان قوم فز استر نفسك بخيش

صحيح الثوره ما تاكلش عيش بس هتشبعك كرامه

ما فيش حريه من غير غرامه

لو فاضل فى عمرك لحظه عيشها راجل

مش شعارات وعبارات وكام لقطه وافلام ساقطه وشغل الدراما

مش اللى ظلم هوه اللى بادئ و الا هنلغى كتاب المبادئ

النضال فى الخنادق بالمدافع والبنادق

مش كوفيه و لقاء فى فضائيه وعلم و مؤتمر فى الفنادق

و كلمتين تلعن فيهم اوباما يا منهزم يا بليد

انا ليك اتكسفت وانت اتكشفت ما عندكش جديد , عدوك اللى منك بيعرف فين يوجعك

بس الله معك و اياك تصدق ان الفاسد بحرامه ممكن فى يوم ينفعك

هوه دارس فى كتاب اجرامه فى اخر صفحه لحكايته ان نهايته لو اكرمك او شبعك

الحقيقه ان كلهم بيعاملونا بنفس الطريقه تجوع كلبك يتبعك

اعذرونى وسامحونى من دخان اللى خان مش شايف بس خايف

الدم يتجمد فى عروقنا والخاين يفضل يسوقنا ويرخص لحمنا فى سوقنا

و نفضل عبيد وجوارى عند ناس سافله

و فى يوم نفوق من الغفله نلقاها زى الدومونو قافله

نقوم نقول ياريتنا ما فقنا

ارجوك حاسب فى الاخره هتتحاسب

و لو ناوى تعيش وتكمل زى البهيمه وتقول الحق بشويش وبكسوف وبصوت واطى كانه نميمه

ارفع صوتك لان بسكوتك انت بتشارك فى الجريمه

ومنى لمقاومه تحيه و سلام فخور بيك انك اخويا فى الاسلام

انت مش ناقص علام و بتعرف الفرق بين الشعوب والحكام

دول فى سجن كبير و دول عمى البصيره و عندهم زكام

ولو عاوزهم يساعدوك بحق الجيره قول هتدفع كام

حقك عليا مش بايدايا ووعد ربنا نصبر شويه مسالة وقت وجايه جايه

تاج الصمود ووسام والعار للجبناء وملعون ابو الاعلام

وتحيه اكبر من الكلام لكل غزه الحره من ياسين للرنتيسى لبكر لابوخضيره

لمحمد الدره و كل شيخ و طفل وبنت ومدام وشبابك الهمام

والله ببارك ومش بعزيكم فى حالكم

وكلمه سمعتها من هنيه وبفخر لولادى باقولهلكم

اقبل التراب من تحت نعالكم

اقبل التراب من تحت نعالكم 

منقووووووووووول محمد باكوس سمع و راى و احس و تالم ونطق فتالمنا وانكسفنا على حالنا

اترك تعليقاً

لن يتم نشر عنوان بريدك الإلكتروني.

مقالات ذات صلة

زر الذهاب إلى الأعلى