الأرشيفتقارير وملفات إضافية

حكاية ثورة

بقلم الشاعر الثائر
طه رضوان
=========
هية تكية و عايشين فيها ؟
و للا  وسية  و  ملك  كمان ؟
 ***
اللي  يقولك  بعشق  بلدي
و اللي  يقولك  دول  إخوان
*** 
كنا زمان عارفين حقيقتهم
و اتجمعنا هناك في ميدان
***
كنا خلاص جايبين نهايتهم
عارفين   كل   منافق  خان
 ***
قلنا خلاص دي بلدنا هتطلع
و نشوف  خير  ألوان و الوان
 ***
بس العسكر ضحكوا علينا
فرقوا بيننا عشان نتهان
*** 
قال لك ده ليبرالي و سلفي
و قال لك دول حبة إخوان
*** 
سلطوا بيننا كلابهم تجري
و ملوا دماغنا كلام خربان
 ***
مسكوا  مبارك  برة وقالوا
عنه معانا عميل وجبان
 ***
لازم بكرة نحاكمه بإيدنا
واحنا فرحنا كمان و كمان
 ***
لكن  حرقوا  أدلة  كتيرة
وقالوا شعارنا العدل ميزان
 ***
لازم   يطلع    هو   براءة
علشان  سنه  كبير غلبان
*** 
واحنا  وافقنا  بكل  هبلنا
و فاكرين  اننا  فزنا  كمان
*** 
و هنختار  ريس  بأصواتنا
وتعيش مصر ف خير وأمان
 ***
و نجح  واحد  بيخاف  ربه
حط   شعاره   من   القرآن
*** 
وحمى الأرض وصان العرض
و اشترى  قمح  من الغلبان
 ***
قال  هنوفر  قوتنا  دواءنا
و مصر  هتقوى بكل مكان
*** 
و عدل بيننا وزاد رواتبنا
و المسكين أصبح فرحان
 ***
عشنا فعهده براس مرفوعة
و  عدونا   عايش   قلقان
 ***
لكن   رجعوا  العسكر قالوا
لو  سيبناه   كدبنا   هيبان
 ***
واحنا هنخسر كل  فلوسنا
لازم  نخلص  من  الإخوان
*** 
و بقت سرقة و حرب شوارع
و التمويل  بقا  عربي  كمان
 ***
و الداخلية  كانت  في إجازة
حتى  الجيش  خايف هربان
 ***
و الإعلام  بقا  كله  شتيمة
يد   خبيثة    لكل    جبان
 ***
و البنزين عبوه في جراكن
و  الكهربا   قطعوها   كمان
 ***
قالوا حرامي خاين و عميل
و احنا  جرينا على الميدان
 ***
لازم   يرحل   لازم  يرحل
و احنا   زهقنا  من  الإخوان
 ***
جالنا  زعيم  هيخلي  بلدنا
أحلى  و أغنى  و أعلى كمان
 ***
قال لنا بكرة تشوفوا بلدنا
شمس    منورة    كل   مكان
*** 
قال  و  هشغل   كل  شبابنا
و  الأسعار    ترجع    لزمان
 ***
بس عرفنا انه عميل خاين
خلى الشعب  فقير  جوعان
 
و بدال ما يشغل  في مصانع
حطنا    كلنا    في   اللومان
*** 
و مسك  كل  ولادنا  حبسهم
قال  لك  دول  سبب الأحزان
 ***
و خرب  بيتنا  و باع  ميتنا
وآدي الزرع اهو مات عطشان
 ***
و  وهب   أرضنا    للسعودية
و  إدى     حلايب     للسودان
 ***
و الدور جاي بكرة على سينا
و  بكرة  يبيع  شبرا و حلوان
 ***
هي حقيقة خلاص عارفينها
اللي    يوافقه    أكيد    خوان
 ***
وادي  بلدنا  و  حالها  قصادنا
كلنا     شاربين   م    الكيعان
 ***
صحصح قلي  يا واد  يا مفتح
ايه  م  الذل  باقي  لنا  كمان
 ***
لو موقفناش كده وقفة راجل
نعدم  كل   خسيس  و  جبان
 ***
يبقى هنفضل تحت رجولهم
و نعيش  عمرنا  في  التوهان
 ***
اللي  يفرط  يوم في كرامته
يبقى  يعيش  و يموت متهان
*** 
و اللي   بيفهم   لازم  يهتف
آسفين      كلنا       للإخوان
 ***
إحنا  معاكم  هنجيب  تارنا
ولسة الثورة في ألف ميدان
===================
الشاعر طه رضوان

سمير يوسف

أول صحفى فى النمسا منذ سنة 1970 عمل فى الصحافة وعمره 18 سنة فى جريدة الجمهورية والمساء وحريتى ثم الجرائد الألمانية دير إشبيجل وفى النمسا جريدة الإخو تسليتومج لمدة عشرون عاما وفى سنة 1991 اصدر اول صحيفة باللغة العربية والألمانية وهى جريدة الوطن لمدة 11 سنة ، عمل مراسل جريدة الجمهورية والمساء فى النمسا لمدة 31 سنة.

اترك تعليقاً

لن يتم نشر عنوان بريدك الإلكتروني.

مقالات ذات صلة

زر الذهاب إلى الأعلى