اشعارالأرشيف

بيقول لي : خاف

بقلم الشاعر

طه متولى رضوان k

طه متولى رضوان

==========

بيقول لي  : خاف

و غط راسك منّهم

ب 200 لحاف

و اسكت لا واحد يسمعك

بطل هتاف

و اقفل حسابك عطّله

و كلام في مرسي بطّله

و افتح على الفيس من جديد

حسابين نظاف

*** 

بيقول لي : خاف

و خلي بالك من كلامك

في الحواااااار

و بلاش تقول :

السيسي ده مليون حمار

غير بروفايلك

و خلي السيسي

ف الصورة شعار

و انشر على الفيس بوست فيه

كل اللي فات منك هزار

و احلف يمين باطل

كلهم أشراف

*** 

و عيش حياتك زينا

خليك في حالك

لا تقول لي :

ده خاين و لا قاتل و هالك

خلينا جنب الحيط

حافظ على عيالك

و اقعد في بيتك زينا

و بإيه يفيد الهتاف ؟

 ***

قمت ابتسمت و قلت له : شكرا

و اسمع هتاف الحر في بلادك

هتلاقي كلمة كرامة

دايما على لسانه

و هتافه زي النار

بيقوي إيمانه

و حروفه أقوى سلاح

في قلب من خانه

ده شعار بأربع صوابع

بيزلزل أركانه

*** 

ليه عايزني أخاف ؟

تكونش نصراني

و عايزني أكون تابع ؟

و للا انت علماني

و لكل دين بايع ؟

و للا خمورجي يا بيه

و عايزني أعيش صايع ؟

أنا عمري يوم ما هخاف

*** 

بتقول لي خاف ؟

ده أنا شفت ابني

بيتفحم و انا واقف

و فضلت أهتف و أنادي

برضو مش خايف

و حرقوا زوجتي و بنتي

جنبي و أنا شايف

ليه عايزني ابطل هتاف ؟

*** 

ده أنا صرختي شمسي

و نور فجري الجديد

أنا صرختي بتدفي إخواني

في ليل برد الحديد

و هتافي نار قايدة

هتحرق كل أقذار العبيد

حالف أعيش و انتصر

و اجيب حق الشهيد

و لا عمري يوم أنحني

و لا يوم هكون خواف

*** 

عاهدت ربي و هعيش

ع العهد و هصونه

وطني و هحافظ عليه

و عمري ما هخونه

طول عمري عايش عزيز

و لا عمري يوم راح أخاف

و لا عمري هسكت في يوم

و لا يوم هبطل هتاف

و لا يوم هبطل هتاف

*** 

=================

الشاعر طه رضوان

الإثنين 16 نوفمبر 2015 م

 

اترك تعليقاً

لن يتم نشر عنوان بريدك الإلكتروني.

مقالات ذات صلة

زر الذهاب إلى الأعلى