اخبار إضافيةالأرشيف

أنا القاضي

من روائع الشاعر
طه متولى رضوان
=======
قوم يابني هات
 في الجرن قدامنا
 تلات خشبات
 وحبل طويل
 وهات بلطة
 وهات مسامير
 وهات الفاس
 هنحفر حفرتين جامدين
 نحط الخشبة قدامنا
 وخشبة زيها قصادها
 بعزم متين
 نحط التالتة فوق بالعرض
 وهنثبتها بالمسامير
 ونربط حبل ع الجنبين
 ونعمل حلقة مربوطة
 تكون بمقاس
 نقيم الخشبة في الحفرة
 تكون ثابتة
 وليها أساس
 ونقعد يابني
 أنا القاضي
 وأنت قائد الحراس
 وعهد الله هكون عادل
 ونعدل كل شيء مايل
 ومنضيعش حق الناس
 نجيب الخاين القاتل
 ومن رجليه
 ويلبس شال عليه نجمة
 يخبي عنيه
 نحط الحلقة في رقبته
 لحد ما يقطع الأنفاس
 ومنضيعش مجهودنا
 في هري كتير
 قصاد الناس
 ما كل الناس دي
 شايفينه وعارفينه
 وعاجنينه وخابزينه
 وقام ميت مرة بالعالي
 شتم دينه
 وسب الناس
 فلازم تسمع الكلمة
 ومتنامشي
 حقوق الشهدا هنجيبها
 ومش همشي
 وخلي كلمتي
 ف راسك
 أمان وأساس
 مفيش يا خلق حنية
 وماتت خالتي سلمية
 هقول بالعالي للدنيا
 وأكيد سامعة
 بعيني شفت قاتليني
 ببارود ورصاص
 وحرقوا اخواتنا
 في رابعة
 وفِي النهضة
 وفِي القائد
 وفِي رمسيس
 حكمت لنفسي وف ثانية
 دماء وقصاص
 ما دام القاضي بقا ظالم
 بقا المقتول بيتحاكم
 وبالإعدام
 وربك فوق أكيد عالم
 بظلم الناس
 وبالأحكام
 وبعد ده كله مستني
 أنام وأروق ؟
 وأسيب الظلم يتربع
 وأنا مخنوق ؟
 أكيد لأة
 ومليار لأة وبحرقة
 ومعادش مناص
 ولازم أعدم الجاني
 ومش هسكت خلاص تاني
 وقاتل كل إخواني
 لازم ينداس
 وده الحكم اللي
 في قلوبنا
 وشمس الحق في دروبنا
 وربنا قاله في كتابنا
 وخلصنا خلاص
 
طه رضوان
 السبت ٢٨ يوليو ٢٠١٨ م

اترك تعليقاً

لن يتم نشر عنوان بريدك الإلكتروني.

مقالات ذات صلة

زر الذهاب إلى الأعلى